Семей қаласында өткен Стол Тенисі жарысы.

    2016 жылдың  мамыр  айының  13-15 аралығында  Семей  қаласында  «Мүгедектер  спорты» ұйымдастыруымен  Қазақстан  Республикасы  Чемпионаты  Стол  Тенисі болып  өтті. Бұл  жарысқа  «Мүмкіндігі  шектеулі  балаларға  арналған  облыстық  мектеп-интернаты»  9 сынып  оқушысы  Қабылов  Нұрсұлтан  барып  қатысып  келді. Жарыста  қатысушылар  8 командаға  бөлінді. Маңғыстау  облысы  командасы  7-ші  орынға  ие  болды. Спорттың адам өмірінде алатын орны зор екендігін бәріміз білеміз. Спортпен айналысқан адамның денсаулығы мықты, өзі шыдамды болады. Біздің ата-бабаларымыз “тәні саудың – жаны сау” - деп бекер айтпаған.  

     Елбасы Н.Ә.Назарбаев өзінің “Қазақстан - 2030” стратегиялық бағдарламасында халықты салауатты өмір салтына ынталандыруды басым бағыттың бірі ретінде атап көрсетті. Расында да, бүгінгі таңда еліміздің ақсақалдарынан кішкентай баласына дейін дене тәрбиесіне ерекше мән беруде. 

     Оқушыларымыздың осындай  әр  бағыттағы  спорт  түрлерімен  айналысып, жарыстарға  қатысқаны  біздер  үшін  үлкен  мәртебе.