BI Жұлдызай 2016 ж.

2016 жылдың  7-ші  сәуірінде  Мұрат  Өскінбаев  атындағы  Маңғыстау  Облыстық  Филармониясында  Қазақстан  Республикасының  Білім  және  Ғылым  министрлігінің қолдауымен  мүмкіндігі  шектеулі  балалар  шығармашылығы  BI Жұлдызай  XI Республикалық фестивалінің   1  кезеңі  болып  өтті. Фестивальға  облысымыздың  дарынды  балалары қатысып, би  билеп,  ән  айтып, күй  тартып  өз  өнерлерін  көрсетті.

Мүмкіндігі  шектеулі  балаларға арналған  облыстық  мектеп-интернатыда  бұл  шараға  белсене қатысты. Мектеп  оқушылары  өздерінің  қолдарымен  жасаған  туындыларын  алып  барды.  Көрмелердің  ішінен  4 «б» сынып оқушысы  Малик  Алидің  «Қоңырауы», 4 «а» сынып  оқушылары  Ұзақбай Ержанның қамырдан  жасалған  үйі  және  Янтудин  Ақеділдің  жұмысы  «Торсық», 7 «б» сынып  оқушысы  Аманов  Айбектің  «Маңғыстау»  тақырыбында  салынған  суреті BI Жұлдызай  XI Республикалық фестивалінің  2  кезеңіне ұсынылды. 

Жоғары  сынып  оқушылары  Қабылов Нұрсұлтанмен  Оразалина  Нұрила  "Алло" әнін  ым-ишаратпен  орындап  шықты. Басқа  оқушыларда домбырада, сылдырмақта, барабанда  ойнады. Барлық  оқушыларда  сертификаттарға  ие  болды.  Фестиваль  соңында  барлық  оқушылар  фестиваль мүшесі  әрі  жас  әнші  Ринат  Малцаговпен  сахнада  би  биледі. Оқушыларымыздың қатысқанына риза  болып, ендігі  кезеңнен  сүрінбей  өтіп, жеңімпаз  болуларына  тілектеспіз!