Арнайы көзі көрмейтін оқушыларға сынып ашылды

2017 жылы қыркүйек айында Мүмкіндігі шектеулі балаларға арналған облыстық мектеп-интернатында арнайы көзі көрмейтін оқушыларға сынып ашылды.
Мектеп-интернатта 176 оқушы оқып тәрбиеленуде. Соның ішінде 11 оқушы көзі көрмейтін сыныпта оқиды.
Көзі көрмейтін сыныптағы оқушыларға Брайль кітабы,қазақ тілінде сауат ашу, рельефті нүктелі әліппе 5 жинақ 5 кітаптан, орыс тілінде 5 жинақ 4 кітаптан тұратын, Брайль ағылшын кітабы және барлық қажетті құралдар /жазуға грифельдер,қағаздар,магнитті жинақтар,шрифтер, геометриялық денелер, сызғыштар және т.б/ жеткілікті.
Фонд «Дара» «Piaf» машинкасымен, «Школьник» рельефтік сурет салу құралымен, 7 тифло құрылғымен, 6 тифло қалыппен, Брайль кубик-әріптерімен, Брайль алфавиті, шашка, шахматпен, волейбол,баскетбол, футбол сылдырмақ доптарымен қамтамасыз етті.
Қазіргі таңда көзі көрмейтін оқушылар сыныпта оқу бағдарламасын толықтай меңгеруде. Көзі көрмейтін оқушылармен 2 тифлопедагог, 2 дефектолог /тьютер/, 2 тәрбиеші арнайы жұмыс жасайды.