Корь (қызылша)-вирустан туындайтын өте жұқпалы, ауыр түрде өтетін сырқат. Бұрын сырқаттанбаған адам қызылшамен ауыратын адаммен қарым-қатынаста болғанда сырқаттану қаупі өте жоғары болады. Қызылша ауруының белгілері: дене қызуының 38-40С көтерілуі, әлсіздік, тәбеттің болмауы, бастың ауыруы, денеде жоғарыдан төмен қарай қызарған бөртпедақтардың пайда болуы, ауыз қуысында ақ дақтардың пайда болуы, көздің қызару белгілері (коньюктивит). Инкубациялық кезеңі-21 күн. Осындай белгілер пайда болған жағдайда дер кезінде санитарлық-профилактикалық іс-шараларды ұйымдастыру сұралады.